Magosto-Samaín en Salesianos A Mercé

Hoxe no colexio celebramos o Magosto-Samaín.

Os alumnos de 2ºESO foron os organizadores da actividade. Durante a semana pasada estiveron preparando os xogos populares. En clases de galego buscaron información en internet sobre os xogos tradicionais galegos, e en clase de Educación Física foron preparando o material para xogar.

Amenizado polos nosos «pipas», con música tradicional galega, disfrutamos dunha boa tarde de outono, onde non puideron faltar as castañas.

Puidemos disfrutar dos seguintes xogos:

Salto á corda. Algúns, co aliciente dun bocadillo gratis mañán, conseguiron dar máis de 50 saltos seguidos.

E a continuación vos amosamos fotos dos diferentes xogos.

Mariola
Cadeira musical
As catro esquiñas

O noso tradicional «pescar» nas botellas.

Zancos
Concurso de buxainas

Despois dun pequeno descanso para repoñer enerxía coa degustación das castañas, repartíronse uns agasallos para as mellores carteleiras de aulas, que este ano foron 3ºA e 4ºB.

4ºB

E rematamos a tarde co tradicional concurso de tiro da corda por clases que facemos todos os anos. Os nosos amosaron estar moi fortes, facendo rechinar a corda.

Outro día de gran convivencia nos salesianos.

Dejar un comentario

Tu dirección de correo electrónico no será publicada. Los campos obligatorios están marcados con *