Non son descoñecidos para ninguén os beneficios da actividade física e do contacto coa natureza, polo que xa é tradición no noso centro estes últimos anos que o alumnado de 1º ESO desfrute da actividade complementaria da Ruta da Pedra e da Auga.
![](https://salesianoscambados.es/wp-content/uploads/2023/04/DSC_0173-1024x683.jpg)
Esta ruta discorre ao longo do río Armenteira, e o máis característico do sendeiro son os muíños de pedra, que suman un total de trinta en todo o camiño que nos leva ata o Mosteiro de Santa María de Armenteira, no Concello de Meis (nesta ocasión non demos completado a ruta ata o mesmo, pero sen dúbida a rapazada quedou cun bo sabor de boca e gañas de volver coas súas familias noutra ocasión).
![](https://salesianoscambados.es/wp-content/uploads/2023/04/DSC_0156-1024x683.jpg)
Ademais da práctica de sendeirismo e realizar un xogo de orientación a actividade permitiu a posta en valor dos espazos naturais e o patrimonio cultural da nosa contorna. Mostraron curiosidade pola flora e fauna que ían encontrando. Incluso algúns se atreveron a practicar inglés falando cos peregrinos que se ían cruzando polo camiño.
![](https://salesianoscambados.es/wp-content/uploads/2023/04/DSC_0170-1024x683.jpg)
![](https://salesianoscambados.es/wp-content/uploads/2023/04/DSC_0176-1024x683.jpg)
Pero o máis destacado foi a gran experiencia de convivencia entre todos e todas, esquecéndose por un día dos móbiles e das redes sociais.
![](https://salesianoscambados.es/wp-content/uploads/2023/04/DSC_0207-1024x683.jpg)
Ata a vindeira aventura!