O pasado mes de novembro o alumnado de 4º ESO e de 2º curso de FPB do noso centro acudiu á 11ª edición de EDUGAL, o salón educativo de referencia en Galicia, celebrado na cidade de Pontevedra.
Acompañados polo Departamento de Orientación e por parte do profesorado do centro, tiveron a oportunidade de desfrutar dunha mañá de charlas, obradoiros e incluso degustacións.
Os obxectivos desta feira son os seguintes:
– Dar continuidade á orientación académica e facilitar unha adecuada elección para tomar unha decisión sobre o futuro profesional.
– Axudar ás/aos estudantes a decidir eficazmente o seu futuro formativo e profesional.
– Dar resposta ás necesidades de formación do alumnado que necesita elixir o centro no que formarse para acceder ao mercado laboral.
– Incentivar a curiosidade polo seu futuro académico e profesional.
– Desfrutar dunha xornada de convivencia cos compañeiras/os de curso.
Porque en Salesianos A Mercé abrimos camiños ao futuro do noso estudantado!
