O pasado 23 de setembro celebrouse a festa na honra da patroa do cole, a Nosa Señora da Mercé. O alumnado puido desfrutar dunha xornada de convivencia que comezou na igrexa, onde as novas cantoras interpretaron numerosas cancións para o gozo de todos os presentes na eucaristía. Ademais, tamén se fixeron diferentes ofrendas como o tarro dos desexos que cada aula elaborou ao inicio do curso.
No recreo a rapazada tivo unha degustación que consistía nun doce e un zume que facía a boca auga, sobre todo a esa hora da mañá.
![](https://salesianoscambados.es/wp-content/uploads/2022/10/Eucaristia-festa-da-Merce-23-setembro-2022-7-1024x576.jpg)
![](https://salesianoscambados.es/wp-content/uploads/2022/10/Eucaristia-festa-da-Merce-23-setembro-2022-5-1024x576.jpg)
![](https://salesianoscambados.es/wp-content/uploads/2022/10/Degustacion-festa-da-Merce-23-setembro-2022-5-scaled-e1665088058292-1024x504.jpg)
Este ano o cole conmemora o 75º aniversario e, como actividade inicial, das moitas que se realizarán ao longo do curso, o alumnado deixou a súa pegada na parede lateral do pavillón para así darlle o toque final a un mural que as rapazas e rapaces de tecnoloxía de 4º da ESO realizaran nos días anteriores. Os selos que se marcaron fan referencia tanto ás clases da ESO como ás FPBs de Peiteado e Estética e de Agroxardinería e Composicións Florais.
Despois de rematar o mural, tanto o profesorado como o alumnado bailaron e xogaron como peche dunha xornada moi alegre.
![](https://salesianoscambados.es/wp-content/uploads/2022/10/Fiesta-colegial-de-la-Merced-23-septiembre-2022-14-1-e1664542495914-1024x963.jpg)
![](https://salesianoscambados.es/wp-content/uploads/2022/10/Fiesta-colegial-de-la-Merced-23-septiembre-2022-9-1536x864-1-1024x576.jpg)
![](https://salesianoscambados.es/wp-content/uploads/2022/10/Fin-de-fiesta-23-setenbro-2022-6-1024x492.jpg)
A reportaxe gráfica foi realizada por Ángel Pellitero e pódese ver ao completo nas galerías de imaxes da nosa web. Ademáis, no seguinte vídeo temos un breve resumo do que foi a xornada de celebración: