Esta semana o alumnado de 1º ESO da área de EPVA estreou os novos chromebooks cos que xa conta o cole. Esta nova inversión en tecnoloxía poderá axudarnos a actualizar e dixitalizar as metodoloxías didácticas dentro da aula. Por fin temos a sorte de non depender únicamente da aula de informática e de eliminar os incómodos traslados. Os novos ordeadores persoais, con soporte GOOGLE CHROME, axúdanos a flexibilizar a temporalización dentro dunha mesma sesión de clase, dinamiza as metodoloxías de aprendizaxe i engade unha motivación máis a un alumnado que cada vez se desenvolve con máis fluidez no mundo dixital.
Tamén aproveitamos esta estrea para iniciar o traballo en grupos cooperativos. Unha vez pasada a primeira avaliación, onde o alumnado participou en técnicas de socialización e adaptouse o sistema de traballo do cole, estamos preparados para definir con máis acerto os grupos de traballo. Comezamos organizándonos en parellas informais; un traballo sinxelo, dunha sesión de duración. A tarefa principal foi trastear no blog da materia: http://plasticasalesianos.blogspot.com/
O alumnado repasou a teoría sobre ángulos, compartiu coñecementos, visualizou tutoriais sobre procedementos xeométricos das operacións de ángulos, practicou o aprendido na carpeta de recursos e incluso tivo tempo para un exercicio de investigación.
Velaí os tedes super concentrados no traballo.
