Alá fomos un grupiño de 47 coordinadores da pastoral das nosas casas salesianas da Inspectoría Santiago el Mayor ( con sede en Madrid- Atocha).
Por anteriores encontros de profes, xa coñeciamos os lugares onde Don Bosco naceu e traballou incansable por mellorar as condicións de vida de moitos adolescentes da súa época, aló pola Italia do século XIX. Pero desta vez a Inspectoría agasallounos cuns días para a reflexión persoal e comunitaria (nós chamámoslle exercicios espirituais), un tempo de parada de toda a actividade escolar e de centros xuvenís nos que andamos a cotío para volver a sentirnos “tocados” polo seu soño e volver con corazón e a mente renovadas no empeño de acompañar a toda a nosa xentiña,en especial aos nosos educandos.
